गजल

- महेश

मेरो यादले सताएर, साह्रै उदास बन्छेउ अरे।
पँधेरीमा कुरा चल्दा , माया मार्यो भन्छेउ अरे।

बिबशता मा आल्झिरहे, सकिन नि फर्कनलाई
कहिले होला फर्कने म, भन्दै दिन गन्छेउ अरे ।

पर्देशमा भएपनी, सपना देख्छु गाउँघरकै,
चाडबाड आउँदा आमा, फोटो छुंदै रुन्छेउ अरे ।

मेरो यादले सताएर, साह्रै उदास बन्छेउ अरे। 
पँधेरीमा कुरा चल्दा, माया मार्यो भन्छेउ अरे !

      Tweet

एउटा अर्को गजल

Like My blog on  Facebook

Ek  Raj Adhikari    
Hattiesburg, USA    

*****************************************************************************************************

                           
                              टाढैबाट कर्के नजर, हान्थ्यौ लजाइ लजाइ ,
                              नजिक हुन खोज्दा टाढा , जान्थ्यौ लजाइ लजाइ॥


                              सोह्रै सिङ्गार् सजिएर, कालो केश लर्काउदै,
                              मुख छोपी नहेर भो, भन्थ्यौ लजाइ लजाइ ॥


                              माया गर्दै दु:ख-सुख साटफेर गर्न ,
                              तिमी सधैं एकान्त ठाउँ, छान्थ्यौ लजाइ लजाइ॥


                              दिन्नौ भने जान्न आज, भनि जिद्धी गर्दा ,
                              आँखा चिम्म पारी म्वाई, खान्थ्यौ लजाइ लजाइ॥


                              आउने छु फर्की चाढै, दियो बाली कुर्नु भन्दा , 
                              आजै सिउँदो भरिए झै, ठान्थ्यौ लजाइ लजाइ ॥

                              टाढैबाट कर्के नजर, हान्थ्यौ लजाइ लजाइ ,

                              नजिक हुन खोज्दा टाढा, जान्थ्यौ लजाइ लजाइ॥

*****************************************************************************************************

एउटा गजल

Like My blog on  Facebook

By   Saloja  Sky        

*****************************************************************************************************

                              फूलैले रेटेर दुख्यो रे आज ॥
                              आँखैमा बर्षात सुक्यो रे आज ॥


                              खै ! कस्ले बाँधेर गएको थियो,
                              प्रेमको गाठो फूक्यो रे आज ॥


                              जवानी रहर र उमंग हैन,
                              मनसंग मूल्य चुक्यो रे आज ॥


                              बेचिएछ स्वाभिमान कहिले,
                              निर्दोशी शिर झुक्यो रे आज ॥


                              शितल शान्त आनन्द थियो,
                              टाढाको शहर भुक्यो रे आज॥


                              फूलैले रेटेर दुख्यो रे आज ॥
                              आँखैमा बर्षात सुक्यो रे आज ॥

*****************************************************************************************************

गजल

फक्रीएको फूलसरी हाँसीराख तिमी

मिलन विछोड यस्तै रैछ बाँचीराख तिमी

याद अनि सम्झनाले झस्काउन सक्छ तिम्लाई

मेरो तस्विर मुटुभित्र टाँसीराख तिमी

मेरो माया माथी यदि शंका तिम्लाई लाग्छ भने

पटक –पटक मेरो मनलाई जाँचीराख तिमी

जनम जनम सम्म पुग्ने माया तिम्लाई गरेको छु

पवित्र र चोखो माया साँचीराख तिमी

मायाको यो हाम्रो बन्धन टुक्र्याउन खोजेपनि

टुक्रा–टुक्रा डोरीलाई गाँसीराख तिमी

मिलन बिछोड यस्तै रैछ बाँचीराख तिमी